Տեղեկատվական կենտրոն
Նորություններ
ՀՀ ՍՅՈՒՆԻՔԻ ՄԱՐԶՊԵՏ ՍՈՒՐԻԿ ԽԱՉԱՏՐՅԱՆԸ ՄԱՍՆԱԿՑԵԼ Է <<ՊԱՏԱՆԻ ԵՐԿՐԱՊԱՀ>> ԱԿՈՒՄԲՆԵՐԻ ՇԱՐԱՅԻՆ ՄՐՑՈՒՄՆԵՐ - ԲԱՑ ՌԱԶՄԱՀԱՅՐԵՆԱՍԻՐԱԿԱՆ ԴԱՍԻՆ
24.02.2016
Այսօր Կապանում անցկացվեցին <<Պատանի երկրապահ>> ակումբների շարային մրցումներ-բաց ռազմահայրենասիրական դաս, որին մասնակցում էր ՀՀ Սյունիքի մարզպետ Սուրիկ Խաչատրյանը: Ներկա էին մարզային և քաղաքային իշխանությունների ներկայացուցիչներ, եռասերունդ երկրապահներ, ազատամարտիկներ, զինվորականներ: Միջոցառումը մեկնարկեց Բաղաբուրջի հուշահամալիրից. մասնակիցները ծաղիկներ խոնարհեցին հայրենիքի նահատակների շիրիմներին և մեկ րոպե լռությամբ հարգեցին նրանց հիշատակը: Այնուհետև միջոցառումները շարունակվեցին Կապանի Գ. Նժդեհի հրապարակում: Պատանի երկրապահները ԵԿՄ Սյունիքի մարզային խորհրդի նախագահ, ՀՀ Սյունիքի մարզպետ Սուրիկ Խաչատրյանին զեկուցեցին մրցումների անցկացմանը պատրաստ լինելու մասին: Մարզպետը շնորհավորեց պատանի երկապահներին մցումների անցկացման կապակցությամբ:ՀՀ ԵԿՄ վարչության նախագահ, Արցախի հերոս, գեներալ-լեյտենանտ Մանվել Գրիգորյանի շնորհավորական խոսքը ներկաներին փոխանցեց ԵԿՄ վարչության փոխնախագահ Մխիթար Հարությունյանը, ով ընթերցեց Մանվել Գրիգորյանի հրամանը` Զարզանդ Արտաշեսի Նիկողոսյանին Սյունիքի մարզի <<Պատանի երկրապահ>> ակումբների հրամանատար և ԵԿՄ Սյունիքի մարզային խորհրդի փոխնախագահ նշանակելու մասին: Ելույթ ունեցան նաև պատանի երկրապահներ ու ծնողներ:
Պատանի երկրապահները հանդես եկան քայլերթով, ցուցադրեցին մարտական հնարքներ, որից հետո մեկնարկեցին շարային մրցումները: Ստուգատեսին լավագույնը ներկայացան Սիսիանի, Ագարակի, Կապանի ակումբները` գրավելով համապատասխանաբար 1-ին, 2-րդ և 3-րդ տեղերը, ովքեր մարտի 5-ին կմասնակցեն սպարապետ Վազգեն Սարգսյանի ծննդյան օրվան և պատանի երկրապահների երդման հանդիսավոր արարողությանը:
Միջոցառման վերջում դաշտային ճաշարանում պատանի երկրապահներին տրվեց զինվորական ճաշ: