Տեղեկատվական կենտրոն
Նորություններ
ԱՇԽԱՏԱՆՔԱՅԻՆ ԱՅՑՈՎ ՏԱԹԵՎ ՀԱՄԱՅՆՔՈՒՄ ԷՐ ՀՀ ՍՅՈՒՆԻՔԻ ՄԱՐԶՊԵՏԻ ՏԵՂԱԿԱԼ ՎԱՐԴԱՆ ԴԱՎԹՅԱՆԸ
29.03.2016
ՀՀ Սյունիքի մարզպետի տեղակալ Վարդան Դավթյանը, մարզպետարանի աշխատակազմի Ֆինանսական և սոցիալ-տնտեսական զարգացման վարչության պետ Հարություն Հովհաննիսյանն ու Տաթև համայնքի ղեկավար Մուրադ Սիմոնյանը մարտի 24-ին հանդիպումներ ունեցան Տաթև համայնքի Խոտ, Հալիձոր, Տաթև, Սվարանց և Տանձատափ բնակավայրերի բնակիչների հետ: Տաթև համայնքի ղեկավար Մուրադ Սիմոնյանը բնակիչներին ներկայացրեց բնակավայրերում առաջադրված վարչական ներկայացուցիչներին:
Հանդիպումների ընթացքում քննարկել են համայնքի սոցիալ-տնտեսական իրավիճակի հետ կապված հարցեր, ծանոթացել` առկա խնդիրներին: ՀՀ Սյունիքի մարզպետի տեղակալ Վարդան Դավթյանն անդրադարձավ նաև երիտասարդների ժամանցի կազմակերպման և անհատական ունակությունների զարգացմանն ուղղված խնդիրներին: ՀՀ Սյունիքի մարզպետարանի աշխատակազմի Ֆինանսական և սոցիալ-տնտեսական զարգացման վարչության պետ Հարություն Հովհաննիսյանը ներկայացրեց համայնքում առաջիկայում իրականացվող ծրագրերը: Մարզային և համայնքային իշխանությունները պատասխանեցին բնակիչներին հուզող հարցերին, լսեցին նրանց առաջարկությունները:
Տաթև համայնքում Վարդան Դավթյանն այցելեց նաև նախադպրոցական և հանրակրթական ուսումնական հաստատություններ: