Տեղեկատվական կենտրոն
Նորություններ
ՍՅՈՒՆԻՔՈՒՄ ՀՐԱԺԵՇՏ ՏՎԵՑԻՆ ՀԱԿԱՌԱԿՈՐԴԻ ՀՐԵՏԱԿՈԾՈՒԹՅԱՆ ՀԵՏԵՎԱՆՔՈՎ ԶՈՀՎԱԾ ՍՅՈՒՆԵՑԻ ԿԱՄԱՎՈՐԱԿԱՆՆԵՐԻՆ
06.04.2016
ՀՀ Սյունիքի մարզպետ Սուրիկ Խաչատրյանն ապրիլի 5-ին Սիսիանում ներկա գտնվեց հակառակորդի հրետակոծության հետևանքով զոհված սիսիանցի կամավորականներ Մայիս Միրզոյանի, Արմեն Բեգլարյանի, Սերգեյ Դանղյանի, Սեդրակ Ասրյանի, Դավիթ Սարգսյանի, Եղիշե Նիկալյանի հոգեհանգստի արարողությանը: Արցախյան պատերազմի հերոսներին հրաժեշտ տալու էին եկել ՀՀ վարչապետ Հովիկ Աբրահամյանը, ՀՀ առողջապահության և ՀՀ տարածքային կառավարման ու զարգացման նախարարները, սյունեցիներ:
Նույն օրը երեկոյան ՀՀ Սյունիքի մարզպետ Սուրիկ Խաչատրյանը Կապանի Սուրբ Մեսրոպ Մաշտոց եկեղեցում մասնակցել է կապանցի կամավորական Գագիկ Փարսադանյանի հոգեհանգստի արարողությանը:
Ի դեպ, Սիսիանում ՀՀ վարչապետ Հովիկ Աբրահամյանը, ՀՀ Սյունիքի մարզպետ Սուրիկ Խաչատրյանը, ՀՀ առողջապահության և ՀՀ տարածքային կառավարման ու զարգացման նախարարները այցելել են Սիսիանի կայազորային հոսպիտալում գտնվող զինծառայողներին: