Տեղեկատվական կենտրոն
Նորություններ
ՀՀ ՍՅՈՒՆԻՔԻ ՄԱՐԶՊԵՏ ՍՈՒՐԻԿ ԽԱՉԱՏՐՅԱՆԸ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ԵՎ ՄԵԾԻ ՏԱՆՆ ԿԻԼԻԿԻՈ ԿԱԹՈՂԻԿՈՍԻ ՀԵՏ ԱՅՑԵԼԵԼ Է ՏԱԹԵՎԻ ՎԱՆԱԿԱՆ ՀԱՄԱԼԻՐ
14.04.2016
Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն և Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսը ապրիլի 14-ին ՀՀ Սյունիքի մարզպետ Սուրիկ Խաչատրյանի, Սյունյաց թեմի առաջնորդական տեղապահ տեր Մակար վարդապետ Հակոբյանի և Տաթև համայնքի ղեկավար Մուրադ Սիմոնյանի ուղեկցությամբ այցելել են Տաթևի վանական համալիր:
Այցի ընթացքում Ամենայն Հայոց Կաթողիկոսն ու Մեծի Տանն Կիլիկիո Կաթողիկոսը շրջել են վանքի տարածքում, ծանոթացել կատարված աշխատանքներին, քննարկել հոգևոր կյանքին, եկեղեցաշինության ծրագրերին և մարզի սոցիալական խնդիրներին առնչվող հարցեր:
Մարզպետը ընդգծել է ՀՀ Սյունիքի մարզպետարանի և Սյունյաց թեմի միջև առկա ջերմ գործակցային հարաբերությունների մասին` պատրաստակամություն հայտնելով աջակցելու հայ եկեղեցու ազգանպաստ առաքելությանը:
Հայոց հայրապետն իր երախտագիտությունն է հայտնել մարզպետին և մարզային իշխանություններին՝ թեմի ծրագրերին և եկեղեցականների դասին ցուցաբերվող զորակցության համար: