Տեղեկատվական կենտրոն
Նորություններ
ՀԱՆԴԻՊՈՒՄ ՀՀ ՍՅՈՒՆԻՔԻ ՄԱՐԶՊԵՏԱՐԱՆՈՒՄ
22.04.2016
ՀՀ Սյունիքի մարզպետարանի նիստերի դահլիճում անցկացվեց քննարկում Ժուռնալիստների <<Ասպարեզ>> ակումբի և ԱՄՆ միջազգային զարգացման գրասենյակի հետ համատեղ իրականացվող <<Հանրային մասնակցություն տեղական ինքնակառավարմանը>> ծրագրի շուրջ: Մասնակցում էին ՀՀ Սյունիքի մարզպետարանի աշխատակազմի կառուցվածքային ստորաբաժանումների ղեկավարներ, գյուղական համայնքների ղեկավարներ:
Ծրագրի նպատակն է տեղական ինքնակառավարման մարմինների աշխատանքը հանրության համար դարձնել թափանցիկ ու հասանելի: Ժուռնալիստների <<Ասպարեզ>> ակումբի խորհրդի նախագահ Լևոն Բարսեղյանը ներկայացրեց ծրագրի շրջանակներում իրականացված մոնիտորինգի արդյունքները` համայնքի ղեկավարներին հորդորելով նշված ժամանակահատվածում տրամադրել իրենց համայնքապետարաններում առկա, չհրապարակված և օրենքով գաղտնիք չպարունակող տեղեկությունները:
Լևոն Բարսեղյանը պատասխանեց նաև հանդիպման մասնակիցների հարցերին, լսեց նրանց առաջարկությունները: