Սյունիքի մարզպետի աշխատակազմ

ՀՀ Սյունիքի մարզպետի տեղակալ Վարդան Դավթյանը մարզի սոցիալական աջակցության տարածքային գործակալությունների ղեկավարների  հետ անցակցրեց աշխատանքային խորհրդակցություն, որին ներկա էին նաև ՀՀ Սյունիքի մարզպետարանի աշխատակազմի առողջապահության և սոցիալական ապահովության վարչության սոցիալական ապահովության բաժնի պետ Ա.Շահնազարյանը, ներքին աուդիտի բաժնի պետի ժամանակավոր պաշտոնակատար Մ. Հայրյանը:
Մարզի սոցիալական աջակցության տարածքային գործակալությունների ղեկավարները ներկայացրեցին ՀՀ Վերահսկիչ պալատի կողմից կատարած ստուգումների և ուսումնասիրությունների ընթացքում հայտնաբերված խախտումերի ու բացթողումների վերաբերյալ տեղեկատվություն, ինչպես նաև իրենց առաջարկությունները, մտահոգությունները և համակարգում առկա խնդիրները:
Սոցիալական աջակցության տարածքային գործակալությունների աշխատանքն ավելի արդյունավետ ու թափանցիկ դարձնելու, հետագայում խախտումները բացառելու համար ՀՀ Սյունիքի մարզպետի տեղակալ Վարդան Դավթյանը տարվող աշխատանքներում կարևորել է մանրակրկիտ ստուգումների իրականացումն ու հետևողական մոտեցումը:
Արձանագրված թերություններն ու բացթողումները վերացնելու նպատակով տրվեցին համապատասխան մի շարք հանձնարարականներ: