Տեղեկատվական կենտրոն
Նորություններ
ՍՅՈՒՆԻՔՈՒՄ ՀԱՐԳԵՑԻՆ ՀԱՅՐԵՆԱԿԱՆ ՄԵԾ ՊԱՏԵՐԱԶՄՈՒՄ ԵՎ ԱՐՑԱԽՅԱՆ ԱԶԱՏԱՄԱՐՏՈՒՄ ԶՈՀՎԱԾՆԵՐԻ ՀԻՇԱՏԱԿԸ
09.05.2016
Այսօր Սյունիքում Հայրենական մեծ պատերազմում տարած հաղթանակի և Շուշիի ազատագրման տարեդարձերի կապակցությամբ մարզային և քաղաքային իշխանությունների ներկայացուցիչները, հանրակրթական դպրոցների, առողջապահական հաստատությունների, հասարակական և այլ կառույցների աշխատակիցները ծաղիկներ և ծաղկեպսակներ դրեցին Հայրենական մեծ պատերազմում ու Արցախյան հերոսամարտում հայրենիքի պաշտպանության համար իրենց կյանքը զոհաբերած հերոսների հիշատակը հավերժացնող հուշարձաններին: Ներկաները մեկ րոպե լռությամբ հարգեցին այսօրվա խաղաղության համար նահատակված հերոսների հիշատակը:
Հաղթանակի և խաղաղության տոնի կապակցությամբ տարաբնույթ միջոցառումներ են կազմակերպվել մարզի քաղաքային և գյուղական համայնքներում, կրթական ու մշակութային մի շարք հաստատություններում: