Սյունիքի մարզպետի աշխատակազմ

  ՀՀ Սյունիքի մարզպետի օգնական Վիկտորյա Դավթյանը, մարզպետարանի աշխատակազմի ընտանիքի, կանանց և երեխաների իրավունքների պաշտպանության բաժնի պետ Աննա Ոսկանյանը ընտանիքի միջազգային օրվա առիթով այցելել են մարզի սոցիալական աջակցության տարածքային գործակալություններում հաշվառված նպաստառու բազմազավակ ընտանիքներին:
 Վիկտորյա Դավթյանը ՀՀ Սյունիքի մարզպետ Սուրիկ Խաչատրյանի կողմից տասներկու ընտանիքների դրամական աջակցություն ու նվերներ է հանձնել, շնորհավորել նրանց օրվա կապակցությամբ, բարեմաղթանքի խոսքեր հղել:
 Այցելությունների ընթացքում Վիկտորյա Դավթյանը հետաքրքրվել է ընտանիքների կարգավիճակով, ծանոթացել նրանց խնդիրներին ու մտահոգություններին և նշել, որ բազմազավակ ու անապահով ընտանիքների խնդիրները մարզպետ Սուրիկ Խաչատրյանի ուշադրության կենտրոնում են և նման նախաձեռնությունները շարունակական են լինելու: