Սյունիքի մարզպետի աշխատակազմ

 Սյունիքի մարզի սոցիալական աջակցության տարածքային գործակալություններում լսողական խնդիրներ ունեցող 99 շահառուի անվճար տրամադրվեցին լսողական սարքեր:
ՀՀ աշխատանքի և սոցիալական հարցերի նախարարության կողմից իրականացվող ծրագրի շրջանակներում, օրերս գերատեսչության աշխատակիցները ՀՀ Սյունիքի մարզպետարանի և քաղաքային իշխանությունների հետ համատեղ տեղերում շահառուներին բաժանեցին լսողական սարքեր: Դրանք տրամադրվել են հաշմանդամություն ունեցող 30 տարեկանից բարձր և տարիքային կենսաթոշակի անցած անձանց: Շահառուները մասնագետների կողմից ստացան նաև խորհրդատվություն` սարքից օգտվելու ու այն օգտագործելու վերաբերյալ:
Նույն շահառուն լսողական սարքը կարող է ստանալ 3 տարին մեկ: