Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԱՄՓՈՓՎԵԼ ԵՆ <<ՏԱՐՎԱ ԼԱՎԱԳՈՒՅՆ ՏՆՕՐԵՆ>>, <<ՏԱՐՎԱ ԼԱՎԱԳՈՒՅՆ ՈՒՍՈՒՑԻՉ>>, <<ՏԱՐՎԱ ԼԱՎԱԳՈՒՅՆ ԴԱՍՏԻԱՐԱԿ>> ՄՐՑՈՒՅԹՆԵՐԻ ՄԱՐԶԱՅԻՆ ՓՈՒԼԻ ԱՐԴՅՈՒՆՔՆԵՐԸ
20.05.2016
Կրթության ազգային ինսիտուտի Կապանի մասնաճյուղում անցկացվեց <<Տարվա լավագույն տնօրեն>>, <<Տարվա լավագույն ուսուցիչ>>, <<Տարվա լավագույն դաստիարակ>> ամենամյա մրցույթների մարզային փուլը:
Մարզային փուլին մասնակցելու հայտ ներկայացրած մանկավարժները պատասխանել են հանձնաժողովի անդամների կողմից տրված հարցերին, ներկայացրել իրենց դիրքորոշումներն ու տեսակետները դասավանդման հիմնախնդիրների և հանրակրթության հարցերի վերաբերյալ:
Գնահատող հանձնաժողովի կատարած փակ քվեարկության արդյունքում մրցույթի մարզային փուլում՝ <<Տարվա լավագույն տնօրեն>> անվանակարգում հաղթող է ճանաչվել ՀՀ Սյունիքի մարզի Ակների միջնակարգ դպրոցի տնօրեն Էմմա Ամարյանը, <<Տարվա լավագույն ուսուցիչ>> անվանակարգում՝ Կապանի N 5 հիմնական դպրոցի դասվար Աիդա Բայունցը, իսկ <<Տարվա լավագույն դաստիարակ>> մրցույթի հանրապետական փուլում Սյունիքի մարզը կներկայացնի Կապանի N 7 նախադպրոցական ուսումնական հաստատության դաստիարակ Մերի Հայրապետյանը:
