Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՎԱՐԴԱՆ ԴԱՎԹՅԱՆԸ ԲԵՌԼԻՆՈՒՄ ՄԱՍՆԱԿՑԵԼ Է ԵԱՀԿ ԳԵՐՄԱՆԱԿԱՆ ՆԱԽԱԳԱՀՈՒԹՅԱՆ ՇՐՋԱՆԱԿՆԵՐՈՒՄ ԿԱԶՄԱԿԵՐՊՎԱԾ ԳՈՐԾԱՐԱՐ ՀԱՄԱԺՈՂՈՎԻՆ
26.05.2016
ՀՀ Սյունիքի մարզպետի տեղակալ Վարդան Դավթյանը մայիսի 18-20-ը Բեռլինում մասնակցել է ԵԱՀԿ Գերմանական նախագահության կողմից կազմակերվպած <<Առևտրի և ներդրումների զարգացմանն ուղղված փոխկապակցվածության ամրապնդում>> խորագրով գործարար համաժողովին: Կոնֆերանսին բացման խոսքով հանդես եկավ Գերմանիայի արտաքին գործերի նախարար Ֆրանկ-Վալտեր Շտայնմայերը: Համաժողովի ընթացքում անդրադարձ եղավ տրանսպորտի, էներգետիկայի, թվային տեխնոլոգիաների ոլորտում համագործակցության ամրապնդմանն առնչվող խնդիրներին:
Բեռլինում Վարդան Դավթյանը ներկա է գտնվել նաև ԵԱՀԿ նախագահող Գերմանիայի Դաշնային Հանրապետության ու ԵԱՀԿ Տնտեսական և բնապահպանական գրասենյակի կողմից կազմակերպված 24-րդ վեհաժողովի նախապատրաստական նիստին, ուր քննարկվեցին պատշաճ կառավարման ոլորտում համագործակցության միջոցով անվտանգության և կայունության ամրապնդման հետ առնչվող հարցեր:
Այցի ընթացքում ՀՀ Սյունիքի մարզպետի տեղակալ Վարդան Դավթյանը հանդիպումներ ունեցավ Ավստրիայի փոխարտգործնախարար Մայքլ Լինհարտի, ԵԱՀԿ-ում Ավստրիայի ներկայացուցիչ Անդրեաս Ստադլերի, ԵԱՀԿ քարտուղարության բնապահպանական ծրագրերի ավագ խորհրդատու Էսրա Բութանրիի հետ: Հանդիպումներին Վ. Դավթյանը կողմերին ներակայացրեց ԵԱՀԿ Սյունիքի ծրագրերի իրականացման ներկայացուցչության հետ համատեղ իրականացվող <<Սյունիքում վերականգնվող էներգիայի օգտագործման հնարավորությունների հետազոտության վերաբերյալ>> ծրագիրը: Կողմերը ողջունեցին նախաձեռնությունը և պատրաստակամություն հայտնեցին համատեղ քայլեր ձեռնարկել այն իրականացնելու համար:
