Սյունիքի մարզպետի աշխատակազմ

 ՀՀ Սյունիքի մարզի ղեկավար մարմինների պատրաստությունը, բնակչության պաշտպանության միջոցառումների կազմակերպման գործընթացն ստուգելու նպատակով ՀՀ կառավարության կողմից հաստատված պլան-ժամանակացույցի և ՀՀ Սյունիքի մարզպետի 2016 թվականի մայիսի 26-ի որոշման համաձայն՝ 2016 թվականի հունիսի 7-8-ին  ՀՀ Սյունիքի մարզպետարանում կառավարման կետերի աշխատանքային խմբերի հետ անց են կացվել առանձնացված շտաբային ուսումնական մարզումներ՝ <<Արծվանիկի պոչամբարի պատվարի մասնակի փլուզում>> թեմայով:
Շտաբային մարզումներին մասնակցում էին ՀՀ Սյունիքի մարզպետի տեղակալ, առանձնացված շտաբային մարզումների շտաբի պետ Վաչե Գրիգորյանը, մարզպետարանի աշխատակազմի համապատասխան ստորաբաժանումների ղեկավարներ, Սյունիք համայնքի ղեկավար կազմը, մարզի արտակարգ իրավիճակների և տարհանման հանձնաժողովները, ՀՀ ԱԻՆ Սյունիքի մարզային փրկարարական վարչությունը, <<ԶՊՄԿ>> ՓԲԸ, Կապանի <<Բուատ>> ՓԲԸ, Կապանի <<Նորոգշին>> ՍՊԸ, <<Կապանի բժշկական կենտրոն>> ՓԲԸ, <<ԱրմենՏել>> ՓԲԸ Հարավային տարածքային կենտրոնի Կապանի բաժանմունքը, ՀՀ ԱԻՆ <<Սեյսմիկ պաշտպանության հարավային ծառայություն>> ՊՈԱԿ, ՀՀ կառավարությանն առընթեր ոստիկանության Սյունիքի մարզային վարչության և ճանապարհային ոստիկանության համապատասխան ծառայությունները: Նախապես քաղաքացիական պաշտպանության ծառայություններին տրամադրվել են թեմային համապատասխան ներածականներ, որոնց կատարման համար սահմանվել է ժամանակի սահմանափակում։
ՀՀ Սյունիքի մարզպետի տեղակալ, առանձնացված շտաբային մարզումների շտաբի պետ Վ.Գրիգորյանի կողմից վերոնշյալ կազմակերպություններին շտաբային ուսումնական վարժանքների հետ կապված տրվել են մի շարք հանձնարարականներ։