Սյունիքի մարզպետի աշխատակազմ

 ՀՀ Սյունիքի մարզպետի տեղակալ Վարդան Դավթյանը ՀՀ Սյունիքի մարզպետարանի աշխատակազմի կրթության, մշակույթի և սպորտի վարչության մշակույթի և սպորտի բաժնի պետ Սաքո Դավթյանի հետ հունիսի 16-ին այցելել է Կապանի երկրագիտական թանգարան, ուր ծանոթացել է բռնադատվածների հիշատակի օրվան նվիրված <<Բախվում են դռները… Հավաքել իրերը… Դուք աքսորվում եք>> խորագրով ժամանակավոր ցուցադրությանը:
Ներկայացվել էին 1949 թվականի հունիսի 14-ին Ալթայ արտաքսված սյունեցիների լուսանկարներ, կենսագրություններ, անձնական իրեր, արխիվային վավերագրեր, հուշեր, նամակներ և ձայնագրություններ: 1949 թվականի հունիսի 14-ին Մեղրիից` 10, Գորիսից` 72, Սիսիանից` 80,  իսկ Կապանից 65 ընտանիք բեռնատար գնացքներով աքսորվեցին Ալթայի երկրամաս:
Կապանի երկրագիտական թանգարանում Վ. Դավթյանը ծանոթացավ նաև թանգարանի խնդիրներին ու առաջիկա անելիքներին: