Սյունիքի մարզպետի աշխատակազմ

 Հունիսի 20-ին մայրաքաղաքում անցկացվեցին ՀՀ Նախագահի մրցանակի համար <<Լավագույն մարզական նախադպրոցական հիմնարկ>> մրցույթի եզրափակիչ փուլի մրցումները, որին մասնակցել են Հայաստանի Հանրապետության մարզերի և Լեռնային Ղարաբաղի Հանրապետության՝ մրցույթի 2-րդ փուլի մրցումներին 1-ին տեղերը գրաված 11 նախադպրոցական հիմնարկների 110 երեխաներ:
Մրցույթում Սյունիքի մարզը ներկայացնող Գորիսի թիվ 2 նախադպրոցական հիմնարկն արժանացավ 3-րդ մրցանակային տեղի գավաթին և 350000 դրամ դրամական պարգևին: Հաղթողներին մրցանակները հանձնել է ՀՀ սպորտի և երիտասարդության հարցերի նախարար Գաբրիել Ղազարյանը:
Մրցույթի եզրափակիչ փուլին մասնակցած թիմերը ստացել են մարզագույք, երեխաները՝ մարզական հագուստ, իսկ մրցանակային տեղերը գրաված նախադպրոցական հիմնարկները պարգևատրվել են Հայաստանի Հանրապետության Նախագահի հավաստագրերով, գավաթներով և դրամական պարգևներով: