Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԱՇԽԱՏԱՆՔԱՅԻՆ ԱՅՑՈՎ ՍԻՍԻԱՆՈՒՄ ԷՐ ՀՀ ՍՅՈՒՆԻՔԻ ՄԱՐԶՊԵՏԻ ՏԵՂԱԿԱԼ ՎԱՐԴԱՆ ԴԱՎԹՅԱՆԸ
21.07.2016
ՀՀ Սյունիքի մարզպետի տեղակալ Վարդան Դավթյանն աշխատանքային այցով եղավ Սիսիանում: Սիսիանի քաղաքապետ Աղասի Հակոբջանյանի հետ Վարդան Դավթյանն այցելել է Սիսիանի արվեստի դպրոց, որտեղ քննարկվել են շենքային պայմաններին առնչվող հարցեր: Դպրոցը վերջին տարիներին բազմաթիվ հաջողություններ է ունեցել հանրապետական և միջազգային մրցույթ-փառատոներում: Վ. Դավթյանը խոստացավ դպրոցի սաներին աջակցել պարային հագուստների ձեռքբերման հարցում:
Մարզպետի տեղակալի հաջորդ կանգառը <<Սիսիանի մանկապատանեկան մարզադպրոց>> ՊՈԱԿ-ում էր: Մարզադպրոցի տնօրեն Աղվան Հակոբյանը ներկայացրել է դպրոցի կենսագրությունը, ծանոթացրել ձեռքբերումներին:
Վարդան Դավթյանն այցելել է նաև Սիսիանի թիվ 2 հիմնական դպրոց, շրջայց կատարել, ծանոթացել սանիտարահիգիենիկ պայմաններին: Կրթօջախի տնօրեն Հրանտ Ազարումյանի հետ քննարկել են խոհանոցային բլոկի բարեկարգման հետ կապված հարցեր՝ կրթօջախի երեխաներին տաք սննդով ապահովելու համար բազային ճաշարան ստեղծելու նպատակով: Վ. Դավթյանը հետաքրքրվեց նաև դպրոցում գործող քիք-բոքսինգի խմբակի հաջողություններով՝ պատրաստակամություն հայտնելով աջակցել մարզական գույք ձեռքբերելու հարցում:
Այնուհետև մարզպետի տեղակալը եղավ Սիսիանի թիվ 4 հիմնական դպրոցում: Շրջայցից հետո կրթօջախի տնօրեն Նաիրա Ստեփանյանը ներկայացրեց դպրոցի գրեթե խարխլված վիճակում գտնվող մարզադահլիճը, ուր խոնավության պատճառով անհնար է դարձել դասապրոցեսի պատշաճ կազմակերպումը:
Այցի շրջանակում Վ. Դավթյանը ծանոթացավ նաև Սիսիան համայնքում իրականացվող պետական և համայնքային ծրագրերի ընթացքին:
