Սյունիքի մարզպետի աշխատակազմ

 2016թվականի հուլիսի 23-ին և դրան հաջորդող յուրաքանչյուր շաբաթ և կիրակի օրերին ՀՀ գյուղատնտեսության նախարարության և Երևանի քաղաքապետարանի նախաձեռնությամբ Երևան քաղաքի Կենտրոն վարչական համայնքում՝ <<Մալիբու>> սրճարանի հարևանությամբ, նախատեսվում է վերսկսել գյուղատնտեսական մթերքների տոնավաճառների կազմակերպումը: Հայաստանի Հանրապետության մարզերի գյուղացիական տնտեսություններին հնարավորություն կընձեռվի անվճար մասնակցելու տոնավաճառներին և Երևան քաղաքի սպառողներին ներկայացնելու բացառապես սեփական արտադրանքը, ինչը կնպաստի արտադրողների և սպառողների համար առավել շահավետ գյուղատնտեսական մթերքների գների ձևավորմանը և բացառիկ կարևորություն ունեն Երևան քաղաքում գյուղմթերքի մատակարարման համակարգի բարելավման գործում:

Տոնավաճառի արդյունավետ կազմակերպման և անցկացման համար ակնկալվում է մարզի համայնքների գյուղացիական տնտեսությունների մասնակցությունը տոնավաճառին:

Մանրամասն տեղեկությունների համար դիմել ՀՀ Սյունիքի մարզպետարանի աշխատակազմի գյուղատնտեսության և բնապահպանության վարչություն:

հեռ. (0285) 23950