Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՍՅՈՒՆԻՔՈՒՄ ԱՎԱՐՏՎԵՑ ԱՄԱՌԱՅԻՆ ԶՈՐԱԿՈՉԸ
02.08.2016
Հուլիսի 31-ին Սյունիքի մարզում ավարտվեց ամառային զորակոչը: Զինակոչիկների տեղափոխումը ՀՀ ՊՆ զինվորական կենտրոնական հավաքակայան իրականացվել է կազմակերպված ձևով: ՀՀ Սյունիքի մարզպետարանի, տեղական ինքնակառավարման մարմինների և տարածքային զինկոմիսարիատների աշխատակիցների ուղեկցությամբ զինակոչիկներն այցելել են քաղաքային համայնքների հուշահամալիրներ, ծաղկեպսակներ դրել զոհված ազատամարտիկների շիրիմներին: Զինակոչիկների hայրենասիրական ոգին բարձրացնելու նպատակով տարածքային զինկոմիսարիատների բակերում տեղի են ունեցել միտինգներ, որին մասնակցել և ելույթ են ունեցել մարզային և քաղաքային իշխանությունների ներկայացուցիչներ, ինչպես նաև Հայրենական մեծ պատերազմի և Արցախյան ազատամարտի վետերաններ: Միտինգներն ավարտվել են փոքրիկ համերգներով: Ժամկետային ծառայության ընթացքում և ապրիլյան պատերազմում առավել աչքի ընկած պահեստազորում գտնվող զինծառայողները զինկոմիսարների կողմից արժանացան պատվոգրերի և շնորհակալագրերի:
Ի դեպ, ՀՀ Սյունիքի մարզի տարածքային զինկոմիսարիատները կատարել են պետական առաջադրանքը և ապահովել պլանով նախատեսված համապատասխան թվաքանակով զինակոչիկների ներկայությունն ու համալրումը ՀՀ ՊՆ զինվորական կենտրոնական հավաքակայան:
