Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՍՅՈՒՆԻՔԻ ՄԱՐԶՊԵՏ ՍՈՒՐԻԿ ԽԱՉԱՏՐՅԱՆԸ ՆԵՐԿԱ Է ԳՏՆՎԵԼ ԳՈՐԻՍԻ ԹԻՎ 2 ՆԱԽԱԿՐԹԱՐԱՆԻ ՍԱՆԵՐԻ ԱՎԱՐՏԱԿԱՆ ՀԱՆԴԵՍԻՆ
08.08.2016
Այսօր ՀՀ Սյունիքի մարզպետ Սուրիկ Խաչատրյանը տիկնոջ` Լորետա Բարսեղյանի հետ ներկա է գտնվել Գորիսի թիվ 2 ՆՈՒՀ-ի ավարտական խմբի սաների վերջին հանդեսին: Միջոցառմանը ներկա էին նաև Գորիսի քաղաքապետ Վաչագան Ադունցը, նախակրթարանի շրջանավարտներ, մանկավարժներ և այլոք:
<<Մենք քո ապագան ենք, Հայաստա’ն>> խորագիրը կրող միջոցառմամբ սաները հրաժեշտ տվեցին նախակրթարանին: Նրանք երգ ու պարի միջոցով երախտիքի խոսքեր հղեցին նախակրթարանի անձնակազմին` իրենց մանկությունը գունեղ դարձնելու համար:
Միջոցառման վերջում ՀՀ Սյունիքի մարզպետի տիկին Լորետա Բարսեղյանը նվերներ հանձնեց վերջերս ՀՀ Նախագահի մրցանակի համար <<Լավագույն մարզական նախադպրոցական հիմնարկ>> մրցույթի եզրափակիչ փուլում 3-րդ մրցանակային տեղ զբաղեցրած Գորիսի թիվ 2 ՆՈՒՀ-ի սաներին:
