Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԿԱՊԱՆՈՒՄ ՄԵԿՆԱՐԿԵՑ <<ՈՒՍԱՆՈՂԱԿԱՆ ԱՄԱՌ ԿԱՊԱՆ-2016>> ՓԱՌԱՏՈՆԸ
15.08.2016
Օգոստոսի 12-ին Կապանում մեկնարկեց <<Ոսանողական ամառ Կապան-2016>> ամենամյա փառատոնը, որին մասնակցում են Կապանի ու հանրապետության տարբեր բուհերում սովորող 150-ից ավելի ուսանողներ:Կապանի մշակույթի կենտրոնի հրապարակում անցկացված միջոցառման բացման հանդիսությանը ՀՀ Սյունիքի մարզպետ Սուրիկ Խաչատրյանի անունից ուսանողներին ողջունեց ՀՀ Սյունիքի մարզպետարանի աշխատակազմի ղեկավար Ռուդոլֆ Սարգսյանը: Կարևորելով երիտասարդության դերը պետության զարգացման գործում, նշվեց, որ ուսանողներին է վստահված մեր երկրի ապագան, նրանց մեջ են վաղվա մեր երկրի տերերը, և որ Հայաստան աշխարհը հուսալի ձեռքերում է:
Փառատոնի մեկնարկի կապակցությամբ ուսանողներին ողջունեցին նաև Կապանի քաղաքապետ Աշոտ Հայրապետյանը, <<Կապանի լեռնահարստացման կոմբինատ>> ՓԲԸ գլխավոր տնօրեն Դմիտրի Ուշկովը, Կապանի Սուրբ Մեսրոպ Մաշտոց եկեղեցու հոգևոր հովիվ տեր Վահան քահանա Հեբոյանը:
Միջոցառմանը երաժշտական կատարումերով հանդես եկան շնորհալի երիտասարդներ, կապանցի կատարողներ:
Ամենամյա <<Ուսանողական ամառ>> փառատոնը կազմակերպում է Կապանի քաղաքապետարանը: Այս տարի փառատոնի հովանավորը <<Կապանի լեռնահարստացման կոմբինատ>> ՓԲԸ-ն է: Փառատոնի ընթացքում նախատեսվում է մարզական և մշակութային միջոցառումներ, 3 օրյա վրանային ճամբար, ինքնակառավարման օր, երկօրյա այցելություն Արցախ:
