Սյունիքի մարզպետի աշխատակազմ

  ՀՀ Սյունիքի մարզպետի տեղակալ Վարդան Դավթյանի մոտ այսօր անցկացված աշխատանքային խորհրդակցությանը քննարկվեցին ՀՀ քաղաքաշինության նախարարության աշխատակազմի քաղաքաշինական պետական տեսչության կողմից 2016 թվականի հուլիսի 11-15-ը ՀՀ Սյունիքի մարզպետարանում անցկացված տեսչական ստուգումների արդյունքներին ու արձանագրված թերություններին առնչվող հարցեր: Խորհրդակցությանը մասնակցում էին ՀՀ Սյունիքի մարզպետարանի աշխատակազմի քաղաքաշինության վարչության, տեղական ինքնակառավարման և հանրապետական գործադիր մարմինների հարցերով վարչության, հողաշինության և հողօգտագործման բաժին-մարզային հողային պետական տեսչության ղեկավարները:
Մասնավորապես, քննարկվեցին վարչական հսկողության իրականացման, համայնքներում շինարարության և քանդման թույլատվությունների տրամադրման ու ավարտված շինարարության շահագործման փաստագրման ակտերի ձևակերպման գործառույթներում թույլ տրված խախտումներին, համայնքներից հողային ֆոնդի նպատակային նշանակության փոփոխության, հողհատկացման և տարածքների գործառնական նշանակության փոփոխությունների մասին հայտերի համաձայնեցման նպատակով ներկայացված փաստաթղթային փաթեթները` գործող կարգերի պահանջներին համապատասխան ապահովելու խնդիրներին, ինչպես նաև դրանց համաձայնեցման գործընթացներում տեղ գտած բոլոր թերություններին առնչվող հարցեր:
Հայտնաբերված թերությունները վերացնելու ուղղությամբ Վարդան Դավթյանը հանձնարարեց մեկամսյա ժամկետում ձեռնարկել համապատասխան լուծումներ և տեղեկացնել արդյունքների մասին: