Սյունիքի մարզպետի աշխատակազմ

 Օգոստոսի 26-ին Կապանում անցկացվեց կանանց հմտությունների զարգացման և ձեռնարկատիրական գիտելիքների բարձրացմանն ուղղված դասընթաց մարզի քաղաքներում և գյուղերում բնակվող տարբեր ոլորտներում ձեռնարկատիրական գործունեություն ծավալող կամ ուղղակի գործունյա կանանց համար: Մասնակցում էին ՀՀ Սյունիքի մարզպետարանի աշխատակազմի Առողջապահության և սոցիալական ապահովության վարչության պետ Նունե Գևորգյանը, Կապանի սոցիալական աջակցության տարածքային գործակալության աշխատակիցներ, հասարակական կազմակերպությունների ներկայացուցիչներ, մարզում ձեռներեցությամբ զբաղվող կանայք:
Սեմինարն անցկացվեց <<ՀՀ մարզերի ձեռներեց կանայք>>, <<ֆինանսական գիտելիքներ, համագործակցություն բանկերում>>, <<Տուրիզմը որպես նոր զարգացող տնտեսական ճյուղ ՀՀ-ում>>, <<Կանայք և շրջակա միջավայրը>> թեմաների շուրջ:
Դասընթացները հանրապետության մարզերում իրականացնում է Ինթերնեյշնլ Փրոջեքթ Քոնսալթ Գերմանական խորհրդատվական ընկերությունը` Եվրոպական Ներդրումային Բանկի տեխնիկական աջակցության ծրագրի շրջանակում: Ծրագրի շնորհիվ Հայաստանի մարզերում բնակվող կանայք հնարավորություն կունենան դասընթացների ընթացքում ձեռք բերած գիտելիքները ներդնել սեփական բիզնեսը զարգացնելու համար: