Սյունիքի մարզպետի աշխատակազմ

 ՀՀ Սյունիքի մարզպետի տեղակալ Վարդան Դավթյանը մարզպետարանի աշխատակազմի քաղաքաշինության վարչության պետ Ռազմիկ Ավետիսյանի հետ այցելել է Կապանի Դավիթ Համբարձումյանի անվան մանկապատանեկան մարզադպրոց` ծանոթանալու մարզադահլիճի հիմնանորոգման աշխատանքների ընթացքին: Աշխատանքներն այստեղ մեկնարկել են այս տարվա օգոստոսին: Պատասխանատուները ներկայացրել են կատարված աշխատանքները և նշել, որ դրանք ընթանում են բնականոն հունով:
Մարզադահլիճը նախատեսվում է շահագործման հանձնել այս տարվա դեկտեմբերին: Նախատեսվում է մարզադահլիճի փայտե հիմնահատակը փոխարինել պոլիուրետանային ծածկույթով ու ներկել պատերը: Այն նորոգվում է պետական բյուջեով, շինարարությունն իրականացնում է <<Կապանի Նորոգշին>> ՍՊԸ-ն:
Կապանի Դավիթ Համբարձումյանի անվան մանկապատանեկան մարզադպրոցում Վ. Դավթյանը նաև շրջել է շենքում, ծանոթացել պայմաններին, զրուցել մարզիչների ու մարզիկների հետ: