Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԱՐԶՊԵՏ ՍՈՒՐԻԿ ԽԱՉԱՏՐՅԱՆԸ ՄԱՍՆԱԿՑԵԼ Է ՍԵՎԱՔԱՐԻ ՍՈՒՐԲ ՀՌԻՓՍԻՄԵ ԵԿԵՂԵՑՈՒ ՎԵՐԱՕԾՄԱՆ ԱՐԱՐՈՂՈՒԹՅԱՆԸ
27.09.2016
ՀՀ Սյունիքի մարզպետ Սուրիկ Խաչատրյանն այսօր մասնակցել է Կապանի տարածաշրջանի Սևաքար գյուղի Սուրբ Հռիփսիմե եկեղեցու վերաօծման և բացման արարողությանը: Ներկա էին մարզային և համայնքային իշխանությունների ներկայացուցիչներ, բարերարներ, հյուրեր: Օծման արարողությունը կատարվել է Մայր Աթոռ Սուրբ Էջմիածնի լուսարարապետ Հովնան եպիսկոպոս Հակոբյանի և Սյունյաց թեմի առաջնորդական տեղապահ տեր Մակար վարդապետ Հակոբյանի ձեռամբ։
Օծման արարողությունից հետո մարզպետ Սուրիկ Խաչատրյանը շրջել է եկեղեցու տարածքում, ծանոթացել է կատարված աշխատանքներին: Մարզի ղեկավարը երախտիքի ու գնահատանքի խոսքեր է հղել բարերաներին` եկեղեցու վերանորոգմանն աջակցելու համար:
Նշենք, որ Սևաքարի Սուրբ Հռիփսիմե եկեղեցին վերանորոգվել է բարերար Լևոն Նահապետյանի և <<Զանգեզուրի պղնձամոլիբդենային կոմբինատ>> ՓԲԸ-ի աջակցությամբ: Այն 19-րդ դարի կառույց է, որը 2012 թվականին մասնակի փլուզվել էր: Եկեղեցու վերականգնող ճարտարապետն է Ստեփան Նալբանդյանը, իսկ շինարարությունը կատարել է <<Կապանի Նորոգշին>> ՍՊԸ-ն:
