Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՍՅՈՒՆԻՔԻ ՄԱՐԶՊԵՏ ՍՈՒՐԻԿ ԽԱՉԱՏՐՅԱՆԸ ՄԱՍՆԱԿՑԵԼ Է <<ԳՈՐԻՍՅԱՆ ՕՐԵՐ>> ԱՎԱՆԴԱԿԱՆ ՏՈՆԱԿԱՏԱՐՈՒԹՅԱՆԸ
03.10.2016
ՀՀ Սյունիքի մարզպետ Սուրիկ Խաչատրյանը հոկտեմբերի 1-ին Գորիսում մասնակցել է <<Գորիսյան օրեր>> ավանդական տոնակատարությանը:
Միջոցառումների սկիզբը մեկնարկեց Գորիսի Մխիթար Սպարապետի հրապարակից, որտեղ մասնակիցները ծաղիկներ խոնարհեցին Գրիգոր Տաթևացու և Գուսան Աշոտի արձաններին: ՀՀ Սյունիքի մարզպետ Սուրիկ Խաչատրյանը, Գորիսի համայնքապետ Վաչագան Ադունցի, համայնքային ու մարզային իշխանությունների, ուժային կառույցների հետ այցելել է Հին Գորիս: Սուրբ Հռիփսիմե եկեղեցում անցկացված ժամերգությունից հետո Հին Գորիսի ամֆիթատրոնի տարածքում ներկայացվեց թատերական ներկայացում, մատուցվեց մատաղ: Տոնի առիթով ՀՀ Սյունիքի մարզպետ Սուրիկ Խաչատրյանը շնորհավորել է գորիսեցիներին ու ներկաներին, բարեմաղթանքի խոսքեր հղել:
Այնուհետև ներկաները ծաղիկներ դրեցին Սերո Խանզադյանի և Ակսել Բակունցի հուշարձաններին, Հայրենական մեծ պատերազմի և Արցախյան հերոսամարտի զոհերի հիշատակը հավերժացնող հուշակոթողներին:
<<Գորիսյան օրեր>> տոնակատարության շրջանակներում անցկացվեցին ռազմահայրենասիրական, մշակութային, սպորտային միջոցառումներ, ցուցահանդեսներ, ավանդական հյուրասիրություն:
