Սյունիքի մարզպետի աշխատակազմ

 ՀՀ Սյունիքի մարզպետարանում, մարզի ներմարզային երթուղիներում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներ իրականացնող կազմակերպությունների ղեկավարների, ինչպես նաև մարզպետարանի աշխատակազմի ղեկավար Ռուդոլֆ Սարգսյանի և աշխատակազմի քաղաքաշինության վարչության տրանսպորտի և ճանապարհաշինության բաժնի պետ Սարիկ Աղաբեկյանի մասնակցությամբ, տեղի է ունեցել աշխատանքային խորհրդակցություն, որը վարում էր ՀՀ Սյունիքի մարզպետ Վահե Հակոբյանը:
Աշխատանքային խորհրդակցության օրակարգային հարցերի շրջանակում քննարկվել են մարզի ներմարզային երթուղիներում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնելու հետ կապված հարցեր:
Մասնավորապես, անդրադարձ եղավ ուղետոմսերի սակագնային քաղաքականությանը, երթուղիների կանոնավոր սպասարկմանը և ոլորտում առկա խնդիրներին առնչվող հարցերի:
Մարզպետ Վահե Հակոբյանը ոլորտի պատասխանատուներին հանձնարարել է հետամուտ լինել հասարակական տրանսպորտի բնականոն աշխատանքի ապահովմանը և սպասարկումն իրականացնել պատշաճ մակարդակով: