Սյունիքի մարզպետի աշխատակազմ

 ՀՀ Սյունիքի մարզպետի տեղակալ Վաչե Գրիգորյանի մոտ այսօր կայացած խորհրդակցության ընթացքում քննարկվեցին մարզի զարգացման ռազմավարական ծրագրերի մշակման ուղղությամբ տարվող աշխատանքների հետ կապված հարցեր: Խորհրդակցությանը մասնակցել են մարզի զարգացման ռազմավարության նախագծի մշակման նպատակով ձևավորված հիմնական աշխատանքային և ոլորտային խմբերը:
Վաչե Գրիգորյանը ներկայացրել է մարզի տարածաշրջանային զարգացման ռազմավարական ծրագրի կազմման ժամանակացույցը և հետաքրքրվել ծրագրի մշակման ուղղությամբ տարվող աշխատանքների ընթացքով: Վ. Գրիգորյանը նշել է, որ մարզի զարգացման ռազմավարությունն ու ծրագրերը բխում են ՀՀ վարչապետի կողմից տրված հանձնարարականների բովանդակությունից և պետք է ապահովել դրանց լիարժեք իրագործումն ու սահմանված ժամկետում կատարումը: Վաչե Գրիգորյանը կարևորել է համայնքների զարգացման հարցում իրատեսական ծրագրեր ներկայացնելը և տվել մեթոդական որոշակի ցուցումներ: