Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՔՆՆԱՐԿՎԵՑԻՆ ՀԱՄԱՅՆՔԻ ԶԱՐԳԱՑՄԱՆ ՀՆԳԱՄՅԱ ԾՐԱԳՐԻ ԿԱԶՄՄԱՆ ՌԱԶՄԱՎԱՐՈՒԹՅԱՆՆ ՈՒ ՄԵԹՈԴԱԲԱՆՈՒԹՅԱՆՆ ԱՌՆՉՎՈՂ ՀԱՐՑԵՐ
16.11.2016
Նոյեմբերի 16-ին Կապանի քաղաքապետարանի նիստերի դահլիճում անցկացված քննարկմանը ՀՀ տարածքաին կառավարման և զարգացման նախարարի տեղակալ Արթուր Խաչատրյանը ներկայացրեց <<Համայնքի զարգացման հնգամյա ծրագրի>> մշակման և կառավարման նոր մեթոդաբանությունը:
Հանդիպմանը մասնակցում էին ՀՀ Սյունիքի մարզպետի տեղակալ Վարդան Դավթյանը, մարզպետարանի աշխատակազմի կառուցվածքային ստորաբաժանումների ղեկավարները, Կապանի, Մեղրու, Քաջարանի տարածաշրջանների համայնքապետարանների աշխատակիցներն ու համայնքների ղեկավարները:
Քննարկման ընթացքում փոխնախարարը ներկաներին մանրամասն ներկայացրեց նոր մեթոդաբանության բոլոր բաժիններն ու դրանց առանձնահատկությունները, որից հետո մասնակիցները բանախոսին ուղղեցին իրենց հուզող հարցերը:
Նախկինում ևս բոլոր համայքներն ունեցել են իրենց զարգացման ծրագրերը, որոնք եղել են քառամյա, ավելի վաղ՝ եռամյա, իսկ վերջին Սահմանադրական փոփոխություններից հետո արդեն կազմվում են հնգամյա ծրագրեր, և այժմ մշակվել է դրանց համար նոր կառուցվածք ու այն կազմելու նոր մեթոդաբանություն, որն իր մեջ կունենա նոր բաղադրիչներ, կլինի առավել կոնկրետ՝ ֆինանսավորման աղբյուրները և չափերը նշելիս, բացի դրանից, նախատեսվում է նաև առաջարկված ծրագրերի մոնիթորինգ, ակնկալվող արդյունքների հստակ ցուցանիշներ և դրանց չափելիություն:
Փոխնախարարը հավաստիացրեց, որ համայնքների կողմից ներկայացված առավել մրցունակ և իրատեսական ծրագրերը, որոնք կունենան կոնկրետ սոցիալական ազդեցություններ և կնպաստեն համայնքի զարգացմանը, կֆինանսավորվեն կառավարության կողմից:
