Տեղեկատվական կենտրոն
Նորություններ
ՎԱՀԵ ՀԱԿՈԲՅԱՆԻ ԿՈՂՄԻՑ ԱՄԱՆՈՐՅԱ ՆՎԵՐՆԵՐ ՍՏԱՑԱՆ ՀԱՏՈՒԿ ԿՐԹԱՀԱՄԱԼԻՐԻ ԵՐԵԽԱՆԵՐԸ
23.12.2016
ՀՀ Սյունիքի մարզպետ Վահե Հակոբյանն այսօր այցելել էր Կապանի թիվ 3 հատուկ կրթահամալիր և ամանորյա նվերներ հանձնել դպրոցի երեխաներին: Միջոցառմանը ներկա էին նաև <<Զանգեզուրի պղնձամոլիբդենային կոմբինատ>> բարեգործական հիմնադրամի տնօրեն Զարուհի Տոնապետյանը, մարզային իշխանությունների ներկայացուցիչներ: Սաները հյուրերին դիմավորել են թատերական ներկայացումներով և տոնական համերգով:
Մարզպետ Վահե Հակոբյանը շնորհավորել է կրթահամալիրի սաներին ու կոլեկտիվին գալիք տոների կապակցությամբ, բարեմաղթանքի խոսքեր հղել:
Նշենք, որ ՀՀ Սյունիքի մարզպետ Վահե Հակոբյանի կողմից ամանորյա նվերներ կստանան նաև մարզի ուսումնական հաստատությունների առաջին դասարանցիները, <<Կապանի երեխաների խնամքի և պաշտպանության գիշերօթիկ հաստատություն>> ՊՈԱԿ-ի և <<Հույսի և հավատի օջախ>> բարեգործական ՀԿ-ի երեխաները: