Տեղեկատվական կենտրոն
Նորություններ
ՄԱՐԶԿԵՆՏՐՈՆՈՒՄ ԱՆՑԿԱՑՎԵՑ ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆ
28.12.2016
Դեկտեմբերի 26-ին ՀՀ Սյունիքի մարզպետ Վահե Հակոբյանը մարզկենտրոնում կատարել է քաղաքացիների ընդունելություն։
Մարզպետն ընդունել է 70 քաղաքացու: Դրամական օգնություն ստանալու խնդրանքով դիմել էր երեսուն, աշխատանքի տեղավորման՝ երեսունյոթ, ապօրինի շինարարության, բնակարանի վերանորոգման և շենքի վերելակի կարգավորման մասին՝ մեկական քաղաքացի: Դրամական օգնության դիմումներից քսանմեկին տրվել է դրական լուծում, իննը գտնվում է ուսումնասիրման փուլում: Աշխատանքի տեղավորման մասին երեսունյոթ դիմումները վերցվել են հաշվառման:
Մարզպետ Վ. Հակոբյանի հանձնարարությամբ աշխատակազմի համապատասխան ստորաբաժանումներում ուսումնասիրման ընթացքի մեջ են ապօրինի շինարարության, բնակարանի վերանորոգման և շենքի վերելակի կարգավորման մասին դիմումները: