Սյունիքի մարզպետի աշխատակազմ

 ՀՀ Սյունիքի մարզպետ Վահե Հակոբյանը հանդիպեց Գորիսում հացի արտադրությամբ զբաղվող ձեռնարկությունների ներկայացուցիչների հետ: Հանդիպման ընթացքում քննարկվեցին օրերս Գորիսում հացի գնի բարձրացման հետ կապված հարցեր: Գործարարները գնի բարձրացումը պատճառաբանեցին Ռուսաստանի Դաշնությունից ներկրվող ալյուրի արժեքի թանկացմամբ:
Մարզպետ Վահե Հակոբյանը նշեց, որ խնդրի վերաբերյալ կատարվել է ուսումնասիրություն, համաձայն որի ալյուրի գնի չնչին բարձրացումը չպետք է հանգեցներ հացի գնի նման թանկացմանը և առաջարկեց վերանայել գնային քաղաքականությունը:
Հանդիպումից հետո գործարարներն արեցին համապատասխան եզրահանգումներ, ինչի արդյունքում օրվա երկրորդ կեսին հացի գինը Գորիսում վերադարձավ նախկին արժեքին: