Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՔՆՆԱՐԿՎԵՑԻՆ ՍՅՈՒՆԻՔԻ ՄԱՐԶԻ 2017-2025 ԹՎԱԿԱՆՆԵՐԻ ՌԱԶՄԱՎԱՐԱԿԱՆ ԾՐԱԳՐԻ ՆՊԱՏԱԿՆԵՐԸ ԵՎ ԳԵՐԱԿԱՅՈՒԹՅՈՒՆՆԵՐԸ
21.02.2017
Մարզկենտրոնում կայացավ ՀՀ Սյունիքի մարզի 2017-2025թթ. զարգացման ռազմավարության ուժեղ և թույլ կողմերի, հնարավորությունների և սպառնալիքների, ռազմավարական նպատակների և գերակայությունների ընդլայնված քննարկում՝ պետական և տեղական ինքնակառավարման մարմինների, տնտեսվարողների, հասարակական կազմակերպությունների, փորձագետների, կրթական հաստատությունների ներկայացուցիչների, ԶԼՄ-ների և այլոց մասնակցությամբ:
ՀՀ Սյունիքի մարզպետի տեղակալ Վարդան Դավթյանն ողջույնի իր խոսքում նշել է, որ փաստաթուղթն արդեն իսկ անցել է քննարկման մի քանի փուլերով, բավականին լրամշակվել ու ներկայումս իրականացվում են վերջնական քննարկումները:
Հանդիպմանը ՀՀ Սյունիքի մարզպետարանի աշխատակազմի զարգացման ծրագրերի և վերլուծության բաժնի պետ Էդգար Մարտիրոսյանը ներկայացրեց ծրագրի ուժեղ և թույլ կողմերը, հնարավորությունները և սպառնալիքները, ռազմավարական նպատակներն ու գերակայությունները:
Ծրագրի կազման աշխատանքները համակարգվել են Սյունիքի մարզպետ Վահե Հակոբյանի կողմից: Այդ գործում իր զգալի ներդրումն են ունեցել նաև Հայաստանի Հանրապետության տարածքային կառավարման և զարգացման նախարարությունը, ԵՄ փորձագետները, որի ներկայացուցիչը՝ փորձագետ Ներսես Կյուրեղյանը, մասնակցում էր հանրային քննարկմանը: Նա նույնպես բարձր գնահատեց կատարված աշխատանքը, կարևորեց փաստաթղթի հիմնավորվածությունը:
Մարզի ռազմավարական ծրագրի քննարկումն անցավ մասնակիցների բավականին ակտիվության և բանավեճի մթնոլորտում:
