Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՍՅՈՒՆԻՔԻ ՄԱՐԶՊԵՏ ՎԱՀԵ ՀԱԿՈԲՅԱՆՆ ԱՆՎԱՆԱԿԱՆ ԿՐԹԱԹՈՇԱԿՆԵՐ ՀԱՆՁՆԵՑ ՍՅՈՒՆԵՑԻ ՈՒՍԱՆՈՂՆԵՐԻՆ (տեսանյութ)
22.02.2017
ՀՀ Սյունիքի մարզպետ Վահե Հակոբյանը Հայաստանի ազգային պոլիտեխնիկական համալսարանի Կապանի մասնաճյուղում մեկնարկած <<Վարպետաց դասեր>> ծրագրի շրջանակներում դասախոսություն կարդաց ուսանողների համար՝ <<Սոցիալական ինժեներիա>> թեմայով: Դասախոսությանը հաջորդեց ակտիվ քննարկում և մտքերի փոխանակում: Մարզպետ Վահե Հակոբյանը պատասխանել է ուսանողներին հետաքրքրող հարցերին:
Հանդիպման ավարտին մարզի ղեկավարը մասնաճյուղի բարձր առաջադիմություն ունեցող 37 ուսանողների հանձնեց <<Ռոբերտ Էջանանցու>> անվան կրթաթոշակ, որից 150 հազարական դրամ ստացան անվճար համակարգում սովորող, իսկ 250 հազարական դրամ վճարովի համակարգում սովորող բարձր առաջադիմություն ունեցող ուսանողները:
Մարզի ղեկավարը նշել է, որ սա այն ծրագրերից մեկն է, որը իրականացնում է մարզպետարանը սյունեցի ուսանողների համար՝ հույս հայտնելով, որ հաջորդ տարի կրթաթոշակ ստացողների քանակը կկրկնապատկվի:
<<Ռոբերտ Էջանանցու>> անվան կրթաթոշակը սահմանվել է ՀՀ Սյունիքի մարզպետի կողմից և տրվում է 85 և ավելի բալ ունեցող մարզի պետական բուհերի բոլոր ուսանողներին: Ֆինանսավորումը իրականացնում է <<Սյունիքի մարզի զարգացման և ներդրման>> հիմնադրամը:
