Տեղեկատվական կենտրոն
Նորություններ
ՎԱՀԵ ՀԱԿՈԲՅԱՆՆ ԱՅՑԵԼԵԼ Է ԵՂԵԳԻ ՄԻՋՆԱԿԱՐԳ ԴՊՐՈՑ
03.03.2017
ՀՀ Սյունիքի մարզպետ Վահե Հակոբյանն այցելել է Եղեգի միջնակարգ դպրոց: Դպրոցի կրտսեր աշակերտները մարզի ղեկավարին ընդունեցին երգ ու պարով: Վահե Հակոբյանը դպրոցի տնօրեն Մերի Գանդալյանի ուղեկցությամբ շրջել է դասասենյակներով, ծանոթացել պայմաններին, զրուցել մանկավարժների ու աշակերտների հետ, հետաքրքրվել ուսումնական գործընթացով՝ պատասխանել նրանց հարցերին:
Հանդիպմանը մարզի ղեկավարը վստահեցրել է, որ կրթության ոլորտը մշտապես գտնվում է մարզպետարանի ուշադրության կենտրոնում, և արվելու է ամեն ինչ, որպեսզի հանրապետությունում Սյունիքը պահպանի առաջատարի դիրքերը կրթության բնագավառում: