Տեղեկատվական կենտրոն
Նորություններ
ՏՈՆԱԿԱՆ ՄԻՋՈՑԱՌՈՒՄՆԵՐ՝ ՆՎԻՐՎԱԾ ՀԱՂԹԱՆԱԿԻ ԵՎ ԽԱՂԱՂՈՒԹՅԱՆ ՕՐՎԱՆ
09.05.2017
Մայիսի 9-ին Հայրենական մեծ պատերազմում տարած հաղթանակի և Շուշիի ազատագրման տարեդարձերի կապակցությամբ մարզկենտրոն Կապանում անցկացվեց տոնական միջոցառումներ, որին մասնակցում էին Արցախյան և Հայրենական պատերազմների վետերաններ, մարզային ու համայնքային իշխանությունների ներկայացուցիչներ, զինվորականներ և այլք: Կապանի Գարեգին Նժդեհի անվան հրապարակում մեկնարկած տոնական միջոցառմանը ներկաներին ՀՀ Սյունիքի մարզպետ Վահե Հակոբյանի անունից շնորհավորեց մարզպետարանի աշխատակազմի ղեկավար Ռուդոլֆ Սարգսյանը: Ներկաներն այցելել են նաև Կապանի Բաղաբուրջի հուշահամալիր՝ հարգանքի ու երախտագիտության տուրք մատուցել հայրենիքի պաշտպանության համար նահատակված սյունեցիների հիշատակին:
Օրվա առիթով Հայրենական պատերազմի վետերանների ու զինծառայողների համար մարզկենտրոնում կազմակերպվել էր բացօթյա զինվորական ճաշ:
Հաղթանակի և խաղաղության տոնի կապակցությամբ տարաբնույթ միջոցառումներ անցկացվեցին նաև մարզի մյուս քաղաքային և գյուղական համայնքներում: