Տեղեկատվական կենտրոն
Նորություններ
ՎԱՀԵ ՀԱԿՈԲՅԱՆՆ ԸՆԴՈՒՆԵԼ Է <<ՀԱՅԱՍՏԱՆ-ՖՐԱՆՍԻԱ ԱՌՈՂՋԱՊԱՀՈՒԹՅԱՆ ՄԻՈՒԹՅԱՆ>> ՆԵՐԿԱՅԱՑՈՒՑԻՉՆԵՐԻՆ
16.05.2017
Մարզպետ Վահե Հակոբյանն այսօր ընդունել է «Հայաստան-Ֆրանսիա առողջապահության միության» ներկայացուցիչներ Ռոժե Ռոզարիոյին, Մարկ Դյուպոնին և Գորիսի Ֆրանս-հայկական սրտաբանական կենտրոնի տնօրեն Մելքոն Գարասեֆերյանին: Ներկա էր նաև Սյունիքի մարզպետարանի աշխատակազմի առողջապահության և սոցիալական ապահովության վարչության պետ Նունե Գևորգյանը: Հանդիպմանը մարզի ղեկավարին ներկայացվեց <<Հայաստան-Ֆրանսիա առողջապահության միության» կողմից մարզում իրականացվող ծրագրերի մասին, որոնց նպատակն է դպրոցականների ու երիտասարդների շրջանում նպաստել առողջ ապրելակերպի զարգացմանը, ինչպես նաև վաղ տարիքից կանխել սիրտ-անոթային հիվանդությունների առաջացումը:
Վահե Հակոբյանն ողջունել է հյուրերին և շնորհակալություն հայտնել Սյունիքի մարզում նման նախաձեռնություն իրականացնելու համար: Մարզպետը պատասխանատուներից հետաքրքրվել է ծրագրի իրականացման ընթացքից և պատրաստակամություն հայտնել աջակցելու: