Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՏԵՂԻ ՈՒՆԵՑԱՎ <<ՄԱՔՈՒՐ ՀԱՅԱՍՏԱՆ>> ԾՐԱԳՐԻ ՄԱՐԶԱՅԻՆ ՀԱՆՁՆԱԺՈՂՈՎԻ ՀԵՐԹԱԿԱՆ ՆԻՍՏԸ
19.05.2017
ՀՀ Սյունիքի մարզպետարանում տեղի ունեցավ << Մաքուր Հայաստան>> ծրագրի իրականացման նպատակով ՀՀ Սյունիքի մարզպետի որոշմամբ ստեղծված մարզայի հանձնաժողովի հերթական նիստը, որը վարում էր հանձնաժողովի նախագահ, ՀՀ Սյունիքի մարզպետի տեղակալ Վարդան Դավթյանը:
Նիստի ընթացքում քննարկվել են առկա իրավիճակի հետ կապված հարցեր, ներկայացվել ծրագրի շրջանակներում մարզային հանձնաժողովի կողմից կատարված աշխատանքները, ինչպես նաև իրականացվելիք գործողությունների ժամանակացույցը: Նշվեց, որ մարզի աղբահանության և սանիտարական մաքրման աշխատանքները համակարգված կազմակերպելու ուղղությամբ նույնատիպ աշխատանքային խմբեր են ստեղծվել նաև մարզի համայնքներում: Մշակվել է աշխատանքային պլան, ըստ որի գործողությունները իրկանացվելու են երեք փուլով՝ նախապատրաստական, ուղղիչ և կանխարգելիչ: Արդեն գույքագրվել են մարզի տարածքում 137 աղբի կուտակման վայրեր, որոնց դասակարգման ու առկա իրավիճակի վերացման ուղղությամբ ձեռնարկվում են համապատասխան միջոցներ: Հանձնաժողովի անդամներին հանձնարարվել է կատարել տարածաշրջանային այցեր հիմնախնդիրները տեղերում ներկայացնելու համար: Քննարկվեց, որ աշխատանքերը համակարգված կազմակերպելու համար անհրաժեշտ է ընդգրկել շահագրգիռ բոլոր ուժերին:
Աշխատանքային քննարկման ընթացքում հանձնաժողովի անդամները ներկայացրեցին իրենց տեսակետներն ու առաջարկությունները՝ մատնանշելով միջազգային փորձն ու այդ մշակույթը մեզանում կիրառելու անհրաժեշտությունը: Նշվեց նաև, որ նիստի ընթացքում հնչեցված կարծիքներն ու առաջարկությունները կուսումնասիրվեն և անհրաժեշտության դեպքում կընդգրկվեն ծրագրում:
