Տեղեկատվական կենտրոն
Նորություններ
ԱՅՑԵԼՈՒԹՅՈՒՆ <<ԱՐԾՎԱԲՈՒՅՆ>> ՏԱՐԵՑՆԵՐԻ ՍՊԱՍԱՐԿՄԱՆ ԿԵՆՏՐՈՆ
22.05.2017
Մայիսի 21-ին <<Երազ իմ երկիր>> մարզամշակութային միջոցառման շրջանակներում մարզի միջին մասնագիտական և բարձրագույն ուսումնական հաստատությունների մի խումբ ուսանողներ այցելել են <<Արծվաբույն>> տարեցների սպասարկման կենտրոն: Այցելության նպատակն էր շփվել տարեցների հետ, ծանոթանալ նրանց հոգսերին ու խնդիրներին: Այցի ընթացքում ուսանողները կենտրոնի շահառուների հետ համատեղ բարեկարգել են կենտրոնի տարածքը, ծառ ու ծաղիկներ տնկել: Հյուրերը տարեցների համար պատրաստել էին նաև համերգային ծրագիր:
Մարզպետարանի աշխատակազմի մշակույթի և սպորտի բաժնի պետ Ս. Դավթյանը մարզպետ Վահե Հակոբյանի անունից նվերներ հանձնեց կենտրոնի շահառուներին: Այցի ավարտին կենտրոնի շահառուները իրենց գոհունակությունը հայտնեցին մարզի ղեկավարին և հյուրերին մշտական ուշադրության ու աջակցության համար:
Հավելենք, որ <<Երազ իմ երկիր>> մարզամշակութային միջոցառման շրջանակներում արդեն 3 տարի է ինչ իրականացվում է <<Մեկ օր տարեցների հետ>> խորագիրը կրող միջոցառումը: