Տեղեկատվական կենտրոն
Նորություններ
ՔՆՆԱՐԿՎԵՑԻՆ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՈԼՈՐՏՈՒՄ ԱՌԿԱ ԽՆԴԻՐՆԵՐԸ
25.05.2017
ՀՀ Սյունիքի մարզպետի տեղակալ Վարդան Դավթյանն ընդունել է աշխատանքային այցով մարզ այցելած ՀՀ աշխատանքի և սոցիալական հարցերի նախարարի տեղակալ Աշոտ Մարգարյանին ու ՄԱԿ-ի մանկական հիմնադրամի երեխաների պաշտպանության բաժնի ղեկավար Հայկ Խեմչյանին: Հանդիպմանը, մարզային պատասխանատուների հետ քննարկվել են նախարարության կողմից երեխաների պաշտպանության ոլորտում իրականացվող բարեփոխումների գործընթացի հետ կապված հարցրեր: Նշվեց, որ նախատեսվում է <<Կապանի երեխաների խնամքի և պաշտպանության գիշերօթիկ հաստատություն>> ՊՈԱԿ-ը վերափոխել ցերեկային խնամքի կենտրոնի, որը մասնաճյուղեր կունենա Սիսիան և Գորիս քաղաքներում:
Պատասխանատուների փոխանցմամբ կազմավորվող ցերեկային խնամքի կենտրոնն ունենալու է ավելի լայն գործառույթներ, որտեղ խոցելի ընտանիքներում ապրող երեխաներից բացի կհաճախեն նաև վարքային խնդիրներ և հատուկ կարիքներ ունեցող երեխաներ: Նշվեց, որ գործընթացի այս փուլում մարզում կատարվում է երեխաների ընտանիքների կարիքների, շենքային պայմանների գնահատում, իրականացվում՝ մասնագետների վերապատրաստում:
Ներկաները երկուստեք կարևորել են շահագրգիռ բոլոր կառույցների ներգրավածությունն ու աջակցությունը երեխաների պաշտպանության ոլորտում իրականացվող բարեփոխումների գործընթացի իրականացման համար:
Հանդիպմանը քննարկվել են գործընթացին առնչվող այլ հարցեր ևս, ներկայացվել` առաջիկայում մարզում կատարվելիք աշխատանքներն ու հետագա համագործակցության քայլերը: