Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԵԿՆԱՐԿԵՑ ԱՄԱՌԱՅԻՆ ԶՈՐԱԿՈՉԸ
07.07.2017
Այսօր Սյունիքում մեկնարկեց 2017 թվականի ամառային զորակոչը: Զորակոչիկները մարզային և քաղաքային իշխանությունների, տարածքային զինկոմիսարիատների ներկայացուցիչների ուղեկցությամբ այցելել են քաղաքային համայնքների հուշահամալիրներ, ծաղիկներ ու ծաղկեպսակներ դրել զոհված ազամարտիկների շիրիմներին: Զորակոչիկների հայրենասիրական ոգին բարձրացնելու նպատակով մարզի համայնքներում տեղի են ունեցել միջոցառումներ, որին մասնակցել են ՀՀ Սյունիքի մարզպետարանի, տեղական ինքնակառավարման մարմինների աշխատակիցներ, ինչպես նաև Հայրենական մեծ պատերազմի և Արցախյան ազատամարտի վետերաններ, մշակութային գործիչներ: Մարզպետարանի աշխատակազմի զորահավաքային նախապատրաստության բաժնի պետ Արսեն Գրիգորյանը ՀՀ Սյունիքի մարզպետ Վահե Հակոբյանի անունից շնորհավորեց զորակոչիկներին՝ նրանց մաղթելով բարի ծառայություն:
Զորակոչին նվիրված միջոցառումներն ավարտվել են համերգներով, որից հետո նորակոչիկները ճանապարհային ոստիկանության աշխատակիցների ուղեկցությամբ ուղևորվել են ՀՀ ՊՆ զինվորական կենտրոնական հավաքակայան:
