Սյունիքի մարզպետի աշխատակազմ

 Օրերս անհայտ անձիք կրակել էին Սյունիքի մարզի Խուստուփ լեռան վրա տեղադրված Գարեգին Նժդեհի բրոնզաձույլ կիսանդրուն, որի վերականգնման համար ՀՀ Սյունիքի մարզպետ Վահե Հակոբյանի կարգադրությամբ ստեղծվել է հանձնաժողով`  մարզպետի տեղակալ Վարդան Դավթյանի նախագահությամբ: Հանձնաժողովն ուսումնասիրել է հուշակոթողի և հարակից տարածքի պահպանության վիճակը, մարզպետին ներկայացրել առաջարկություններ կիսանդրու վերականգման և հարակից տարածքի պահպանության ուղղությամբ, որից անմիջապես հետո սկսվել են վերականգնման աշխատանքները: Վերացվել է կիսանդրու վնասված մասերն ու ներկվել՝ այն բերելով նախկին տեսքին: Միաժամանակ, մարզպետի հանձնարարությամբ, համապատասխան մարմինների կողմից ուժեղացվել է Գարեգին Նժդեհի բրոնզաձույլ կիսանդրու և հարակից տարածքի հսկողությունը: