Սյունիքի մարզպետի աշխատակազմ

Օգոստոսի 26-ին Ծաղկաձորում ավարտվեց Հայաստանի երիտասարդական հիմնադրամի կողմից անցկացվող <<ԲԱԶԵ 2017>> համահայկական երիտասարդական հավաքը: Հավաքին Սյունիքը ներկայացնող ջոկատն այս տարի հանդես եկավ կապույտ ճակատի ներքո: Սյունեցիներն իրենց ուժերը չափեցին ինտելեկտուալ, սպորտային, մշակութային մրցաձևերում՝ ներճակատային և միջճակատային մրցույթներում գրավելով մրցանակային տեղեր: Վարդան Մովսիսյանը <<Շախմատ>> մրցույթում արժանացել է ոսկե մեդալի, Գոռ Եփրեմյանը՝ <<Ֆուտբոլ>>, Արտյոմ Համբարձումյանը <<Վոլեյբոլ>> մրցույթներում բրոնզե մեդալների:
Արդեն 15-րդ տարին անցկացվող <<Բազե>> համահայկական երիտասարդական հավաքին այս տարի մասնակցել է 18-30 տարեկան շուրջ 500 երիտասարդ ճամբարական, ովքեր ներկայացնում են Երևանը, Հանրապետության մարզերը, Արցախը և Սփյուռքը: