Սյունիքի մարզպետի աշխատակազմ

Հոկտեմբերի 1-3-ը Վանաձորում անցկացվեց առաջին գյուղական մարզական խաղերի եզրափակիչ փուլը, որը կազմակերպել էր Հայաստանի Հանրապետության սպորտի և երիտասարդության հարցերի նախարարությունը: Մրցումներին մասնակցում էին հանրապետության 10 մարզերից կազմված թիմերը, ովքեր մրցեցին հնգամարտ մրցաձևում:
Սյունեցի մարզիկները մրցույթի անհատական մրցաձևերում զբաղեցրել են մրցանակային տեղեր՝ արժանանալով մեդալների և դրամական պարգևների:
Աղջիկների պայքարում սյունեցի Վիկտորյա Հայրապետյանը հաղթող դարձավ 60 մ վազք և հեռացատկ տեղից մրցաձևերում, իսկ Սյունե Սահակյանը 500մ վազք մրցաձևում զբաղեցրել է 2-րդ տեղը: Տղաների պայքարում Ժորա Մուսաելյանը ձգումներ պտտաձողից մրցաձևում զբաղեցրել է 3-րդ տեղը:

Հայաստանի Հանրապետության առաջին գյուղական մարզական խաղերում թիմային հաշվարկով Սյունիքի մարզը զբաղեցրել է 5-րդ տեղը: Մրցույթում հաղթող է ճանաչվել ՀՀ Արարատի մարզը, ՀՀ Լոռու մարզը 2-րդն էր, իսկ 3-րդ տեղը զբաղեցրեց ՀՀ Շիրակի մարզը :