Տեղեկատվական կենտրոն
Նորություններ
ՍՅՈՒՆԵՑԻՆԵՐԸ ՌՈՒՍԱԿԱՆ «ШАГ ЗА ШАГОМ» ՄԻՋԱԶԳԱՅԻՆ ԵՐԱԺՇՏԱԿԱՆ ՓԱՌԱՏՈՆԻՑ ՎԵՐԱԴԱՐՁԵԼ ԵՆ ՀԱՂԹԱՆԱԿՆԵՐՈՎ
20.10.2017
ՀՀ Սյունիքի մարզպետ Վահե Հակոբյանը հյուրընկալել է Ռուսաստանի Դաշնության Մոսկվա քաղաքում կայացած «Шаг за шагом» միջազգային փառատոնում Սյունիքը ներկայացնող կապանցի երաժիշտ-կատարողներին: Փառատոնին Կապանի թիվ 2 երաժշտական դպրոցի սան 15-ամյա Արեն Պետրոսյանը և նույն դպրոցի մանկավարժ Իրինա Դավթյանն իրենց տարիքային խմբերում արժանացել են գլխավոր մրցանակների. Արեն Պետրոսյանն արժանացել է <<Գրան պրիի>>, իսկ Իրինա Դավթյանը զբաղեցրել է առաջին տեղը՝ ստանալով գավաթ, պատվոգրեր և մեդալներ: «Шаг за шагом» միջազգային փառատոնի կազմակերպիչների կողմից շնորհակալագրի է արժանացել նաև մարզպետ Վահե Հակոբյանը՝ սյունեցի մասնակիցներին աջակցելու համար:
Մարզի ղեկավարը շնորհավորել է նրանց, շնորհակալություն հայտնել միջազգային հարթակներում մարզի անունը հնչեցնելու համար և մաղթել նորանոր հաջողություններ: Հյուրերն իրենց հերթին շնորհակալություն հայտնեցին Սյունիքի մարզպետին ցուցաբերած աջակցության և ուշադրության համար: