Սյունիքի մարզպետի աշխատակազմ

    Սիրելի՛ կապանցիներ

Շնորհավորում եմ բոլորիս մեր սիրելի Կապան քաղաքի տոնի կապակցությամբ:
Կապանը ունի հերոսական անցյալ,հարգանքի արժանի ավանդույթներ, նվաճումներ, որոնցով բոլորս հպարտանում ենք:
Ճակատագիրն ինձ հնարավորություն է ընձեռել աշխատելու Սյունիքի մարզպետ, և ես ուզում եմ բոլորիդ հավաստիացնել, որ հպարտություն եմ ապրում ճակատագրի այդ շնորհի համար, և համոզված եղեք, որ կներդնեմ ողջ ներուժս՝ Կապանն ավելի գեղեցիկ, իսկ կապանցիների կյանքն առավել բարեկեցիկ դարձնելու համար:
Մեր բոլորիս ջանքերն նպատակաուղղված են այն իրողությանը, որ դուք ձեր կապվածությունը Կապանին պայմանավորեք ոչ միայն ծննդյան և գրանցման փաստով, այլ նաև Կապանում աշխատելու,արարելու և բարեկեցիկ կյանքով ապրելու արժանապատիվ հնարավորությամբ:
Ցանկանում եմ, որ բոլոր կապանցիների կյանքի մշտական ուղեկիցները լինեն խաղաղությունը,առողջությունը, հույսը, հավատը և սերը:
Հարգանք ու պատիվ բոլոր կապանցիներին, պատասխանատվություն քաղաքի ներկայի և ապագայի հանդեպ, բոլորիս նպատակների իրականացում:
Տո՛նդ շնորհավոր, մարզկենտրոն Կապան: