Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանրային քննարկում՝ Երիտասարդական պետական քաղաքականության 2018-2022 թվականների ռազմավարության և միջոցառումների ծրագրի վերաբերյալ
26.10.2017
Հոկտեմբերի 25-ին ՀՀ Սյունիքի մարզպետարանի նիստերի դահլիճում կայացավ <<ՀՀ երիտասարդական պետական քաղաքականության 2018-2022 թթ. ռազմավարության ու դրանից բխող միջոցառումների>> ծրագրի հանրային քննարկումը: Հանդիպումը կազմակերպել էր ՀՀ սպորտի և երիտասարդության հարցերի նախարարության <<Երիտասարդական միջոցառումների իրականացման կենտրոն>> ՊՈԱԿ-ը: Քննարկմանը մասնակցում էին մարզի բարձրագույն և միջնակարգ ուսումնական հաստատությունների ուսանողներ, ուսանողական խորհուրդների անդամներ, երիտասարդական հասարակական կազմակերպությունների, միջազգային կազմակերպությունների ներկայացուցիչներ և այլն:
Հանդիպման ընթացքում ՀՀ սպորտի և երիտասարդության հարցերի նախարարության <<Երիտասարդական ծրագրերի իրականացման կենտրոնի>> տնօրեն Դավիթ Հայրապետյանը ներկայացրել է երիտասարդական պետական քաղաքականության 2018-2022 թվականների ռազմավարության և միջոցառումների ծրագրի կետերն ու դրույթները: Դավիթ Հայրապետյանը նշեց, որ ծրագիրը նպատակ ունի վերհանել երիտասարդական քաղաքականության ոլորտում առկա հիմնախնդիրները, իրականացնել արդյունավետ երիտասարդական քաղաքականություն: Ծավալված քննարկմանը Դ. Հայրապետյանը պատասխանեց մասնակիցների հարցերին, լսեց նրանց առաջարկությունները:
