Տեղեկատվական կենտրոն
Նորություններ
Տեղի ունեցավ ասմունքի հանրապետական մանկապատանեկան մրցույթ-փառատոնի մարզային փուլը
13.11.2017

Նոյեմբերի 10-ին Գորիսի թիվ 4 ավագ դպրոցում անցկացվեց ասմունքի հանրապետական մանկապատանեկան մրցույթ-փառատոնի մարզային փուլը: 11-րդ հոբելյանական մրցույթ-փառատոնն այս տարի կրում է <<Արցախյան ազատամարտ 30>> խորագիրը և նվիրված է հայ ժողովրդի բոլոր ժամանակների ազգային-ազատագրական պայքարին: Փառատոնի մարզային փուլին մասնակցել են տարածքային փուլերում 1-3-րդ մրցանակային տեղերը զբաղեցրած մարզի հանրակրթական դպրոցների 33 աշակերտ: Մրցույթն անցկացվել է երկու՝ 11-14 և 15-17 տարիքային խմբերում: Ըստ մրցույթի կանոնակարգի յուրաքանչյուր մասնակից ներկայացրել է երկու ստեղծագործություն այն գրողներից, որոնք անդրադարձել են հայ ժողովրդի ազատագրական պայքարին:
Մարզային փուլում ամեն տարիքային խմբից լավագույն առաջին երեք տեղերը գրաված մասնակիցները Սյունիքի մարզը կներկայացնեն փառատոնի եզրափակիչ՝ հանրապետական փուլում: