Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գորիսում անցկացվեցին <<Ոսկե աշուն Սյունիք-2017>> և <<Գորիսյան օրեր>> տոնական միջոցառումները
24.11.2017
Նոյեմբերի 23-ին մարզպետ Վահե Հակոբյանն աշխատանքային այցով Գորիսի տարածաշրջանում էր: Մարզի ղեկավարը Գորիսում մասնակցել է <<Ոսկե Աշուն Սյունիք-2017>> և <<Գորիսյան օրեր>> տոնական միջոցառումներին: Վահե Հակոբյանը մասնակցել է արձակագիր, հրապարակախոս Էդիկ Զոհրաբյանի տան բակում տեղադրված հուշատախտակի, Սերո Խանզադյանի հիշատակին նվիրված հուշաքարի բացման արարողություններին, ներկա գտնվել տոնական մի շարք այլ միջոցառումների: Վահե Հակոբյանը շնորհավորել է ներկաներին ու հատկապես գորիսեցիներին <<Գորիսյան օրեր>> տոնի կապակցությամբ, բարեմաղթանքի խոսքեր հղել: Մարզի ղեկավարն իր խոսքում նշել է, որ քայլեր է ձեռնարկվում՝ մարզում վերականգնելու բոլոր այն ավանդույթները, որոնք նախկինում տոնել են սյունեցիները: Աշխատանքային այցի շրջանակներում Վահե Հակոբյանն այցելել է նաև Գեղագիտական ազգային կենտրոնի Գորիսի մասնաճյուղ, ծանոթացել կենտրոնի սաների աշխատանքներին ու ձեռքբերումներին:
<<Ոսկե Աշուն Սյունիք-2017>> և <<Գորիսյան օրեր>> տոնակատարության շրջանակներում անցկացվեցին տարատեսակ միջոցառումներ, ցուցահանդեսներ, թատերական ներկայացումներ, սյունյաց ավանդական ուտեստների պատրաստման և համտեսի արարողություն: Միջոցառումներն ուղեկցվում էին ազգային երգ ու պարով:
