Տեղեկատվական կենտրոն
Նորություններ
Վահե Հակոբյանը հանդիպել է Կապանի <<Գարեգին Նժդեհ>> քիք-բոքսինգի ակումբի մարզիկների հետ
14.12.2017
Այսօր Կապանի <<Գարեգին Նժդեհ>> ակումբի սաներն ու մարզիչ Արա Սարգսյանը հանդիպել են մարզպետ Վահե Հակոբյանի հետ: Հանդիպումը նախաձեռնել էին ակումբի ղեկավարությունն ու ծնողները: Հյուրերը շնորհակալություն հայտնեցին Վահե Հակոբյանին անցնող տարվա ընթացքում անցկացված մրցույթներին ակումբին պարբերաբար աջակցելու համար, և Վահե Հակոբյանին հանձնեցին քիք-բոքսինգի ֆեդերացիայի նախագահի հուշամեդալն ու պատվոգիրը: Հանդիպման ներկա ծնողները ևս իրենց երախտագիտությունը հայտնեցին մարզի ղեկավարին իրենց երեխաներին ոգևորելու ու սատարելու համար: Հանդիպման ընթացքում մարզի ղեկավարը շնորհակալություն է հայտնել ակումբի սաներին ու մարզչին անցկացված մրցույթներին պատվով ներկայանալու, Սյունիքի անունը հանրապետական ու միջազգային հարթակներում հնչեցնելու համար: Մարզի ղեկավարը մարզիկներին մաղթել է նորանոր հաղթանակներ և պատրաստակամություն հայտնել աջակցելու նրանց ՝ սպորտում հաջողությունների հասնելու համար:
Կապանի <<Գարեգին Նժդեհ>> ակումբի սաներն անցնող տարվա ընթացքում բազմաթիվ առաջնությունների են մասնակցել ու մրցանակային տեղեր զբաղեցրել ինչպես հանրապետությունում, այնպես էլ նրա սահմաններից դուրս: