Տեղեկատվական կենտրոն
Նորություններ
Վահե Հակոբյանը մասնակցել է համապետական ծառատունկին (տեսանյութ)
16.04.2018
ՀՀ բնապահպանության նախարարության անտառային պետական կոմիտեի կողմից կազմակերպված համապետական ծառատունկի շրջանակներում Վահե Հակոբյանն արծաթափայլ եղևնի է տնկել Կապանի համայնքապետարանի հարակից այգում: Ծառատունկին մասնակցել են նաև աշխատանքային այցով Սյունիք ժամանած ՀՀ գյուղատնտեսության նախարարի պաշտոնակատար Իգնատի Առաքելյանը, մարզային ու համայնքային իշխանությունների, արդյունաբերական գործարանների ներկայացուցիչներ և այլք:
Կապան քաղաքում տնկվեց 20 արծաթափայլ և կանաչ եղևնի: Այն քաղաքին է նվիրել «Զանգեզուրի պղնձամոլիբդենային կոմբինատ» ՓԲԸ-ն, իսկ նորատունկ եղևնիների խնամքը իրականացնելու են Կապանի համայնքապետարանի կոմունալ ծառայության աշխատակիցները:
Լրագրողների հետ զրույցում Սյունիքի մարզպետը վստահեցրել է, որ մարզում կանաչ տարածքներն ընդլայնելու՝ մեկ տարի առաջ մեկնարկած նախաձեռնությունը շարունակական բնույթ է կրելու:
Ավելացնենք, որ համապետական ծառատունկի ընթացքում Սյունիքում տնկվել է տասնյակից ավելի տնկիներ:
Տեսանյութը՝ ԶԱՆԳԵԶՈՒՐ TV-ի