Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Սյունեցի ըմբշամարտիկը՝ Եվրոպայի առաջնությունում

03.05.2018

 Այսօր Սյունիքի մարզպետ Վահե Հակոբյանն ընդունել է Գորիսի տարածքային մանկապատանեկան մարզադպրոցի սան, ըմբշամարտիկ Արթուր Թելունցին և նրա մարզիչ Տիգրան Աղաբեկյանին: Մարզիչը Սյունիքի մարզպետին է ներկայացրել Արթուր Թելունցի` մի շարք մրցույթներում արձանագրած հաջողությունները: Նա նշել է, որ ըմբշամարտիկը ճանաչվել է Եվրոպայի մրցաշարի համար ստուգողական գոտեմարտի հաղթող և արժանացել հունիսի 15-17-ը Հունգարիայում կայանալիք Եվրոպայի դեռահասների ըմբշամարտի առաջնությանը մասնակցելու պատվին:

Վահե Հակոբյանը շնորհավորել է մարզիկին, հաջողություն մաղթել նրան ու հույս հայտնել, որ սյունեցի մարզիկը առաջնությունից հաղթանակով կվերադառնա: Ըմբշամարտիկ Արթուր Թելունցին առաջնությանը մասնակցելու համար մարզի ղեկավարը պատրաստակամություն հայտնեց աջակցելու:

Հանդիպմանը Գորիսի տարածքային մանկապատանեկան մարզադպրոցի տնօրեն Տիգրան Աղաբեկյանը իր հերթին շնորհակալություն է հայտնել Վահե Հակոբյանին` մարզադպրոցի նկատմամբ ցուցաբերած մշտական ուշադրության ու զորակցության համար:
 Արթուր Թելունցը Եվրոպայի դեռահասների ըմբշամարտի առաջնությանը Հայաստանը ներկայացնելու է 41 կգ քաշային կարգում:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 17:08:53